Staða er þessi:
Samfylkingin er að hverfa af sviði stjórnmálanna. Þjóðarpúls Gallups mælir fylgi flokksins 9,2% í janúar. Samkvæmt nýrri könnun MMR er fylgið 9,4%.
Egill Helgason greinir stöðu Samfylkingarinnar með eftirfarandi hætti:
„Fátt virðist geta stöðvað þennan fylgisflótta. Árni Páll Árnason, formaður flokksins, stendur afar veikt – hann er augljóslega ekki að höfða til kjósenda. Ekkert fararsnið virðist á honum. Árni var endurkjörinn formaður með minnsta mögulega mun í fyrra. Mjög lítil endurnýjun hefur verið í flokknum, skilaboðin sem koma frá honum eru út og suður – forystumönnum flokksins virðist ekki liggja mikið á hjarta.“
Ég held að litlu sé við þessa greiningu Egils að bæta.
